ICICI बँक ATM मधून कार्डाशिवाय मिळणार पैसे!

अर्थसत्ता

नवी दिल्ली  : साथी ऑनलाईन

ICICI बँकेने मंगळवारपासून एटीएममधून विना कार्ड पैसे काढण्याची सुविधा सुरु केली. या सुविधेमार्फत प्रतिदिन २० हजार रुपयांपर्यंत पैसे काढता येणार आहे. बँकेने मंगळवारी ही माहिती दिली. आयसीआयसीआय बँकेच्या १५ हजारहून अधिक
एटीएममधून ग्राहक या सेवेच्या माध्यमातून पैसे काढू शकणार आहेत. ग्राहक आयमोबाइलवर रिक्वेस्ट देऊन त्यामाध्यमातून रोख पैसे काढू शकतात.

आयसीआयसीआय बँकेने आपल्या निवेदनात म्हटले आहे की ‘ही विना डेबिट कार्ड रोख रक्कम काढण्यासाठी सरळ आणि सोपी सुविधा आहे.’ या सेवेचा वापर तेव्हा होऊ शकेल जेव्हा ग्राहकांना सोबत डेबिट कार्ड बाळगायचे नसेल. या सुविधेमार्फत एका दिवसाची पैसे काढण्याची मर्यादा २० हजार रुपये निश्चित करण्यात आली आहे. एसबीआयच्या ग्राहकांना सुविधा मागील वर्षी स्टेट बँक ऑफ इंडिया (SBI) ने आपल्या ग्राहकांना ही सुविधा देण्यास सुरुवात केली होती. एसबीआयने योनो अॅपच्या
मदतीने डेबिट कार्डाशिवाय पैसे काढण्याची सुविधा ग्राहकांना उपलब्ध केली आहे. ही सेवा सोपी आणि सुरक्षितही आहे.
डेबिट कार्डाच्या माध्यमातून फसवणुकीच्या तक्रारी वाढत असताना बँका कार्डलेस सुविधा देण्यावर भर देत आहेत.

Tagged

Leave a Reply

Your email address will not be published. Required fields are marked *